Rama pamitan menyang Sinta kanggo goleki kidang
kencana kang mlebu ana ing tengah alas. Tekan ing tengah alas kidang kencana
nembe katon. Rama langsung manah kidang kencana mau nganggo gendhewane. Sanalika
kidang kencana mau mati, lan malih maneh dadi Marica. Marica banjur ngemba-emba
swarane Rama, sesambat karo Lesmana.
Sinta lan Lesmana kang lagi nunggu tekane Rama
krungu swarane Rama kang sambat jaluk tulung. Sinta ngongkon Lesmana kanggo
nyusul kakangne ana tengah alas. Rama nembe ngerti menawa dheweke wis
ketipu. Dheweke gage-gage bali ing panggon Sinta ngenteni. Ing dalan dheweke ketemu
karo Lesmana, banjur bali bebarengan. Kagete Rama lan Lesmana menawa
Sinta wis kasil dicolong Rahwana.
Manuk Jatayu kang ngalang-ngalangi Prabu Dasamuka sing gawa Sinta, malah
tekaning pati kaprejaya dening gegamane Rahwana, lan Sinta bisa digawa menyang
Ngalengka. Sadurunge mati Jatayu isih bisa ngabari Rama lan Lesmana tumrap kahanane
Sinta.
Nalika lunga menyang Ngalengka, Rama lan Lesmana ketemu karo Anoman. Anoman
didhawuhi ngabdi karo Rama. Nalika,
ing tengahing alas, padha krungu swara tangis. Sawise dicedhaki, swara iku saka
kethek ingkang kejepit ing silangan wit gedhe, Rama banjur nulungi kethek iku.
Kethek iku ngaku menawa dheweke Raja ing Guwakiskendha, sing jenenge Sugriwa.
Kakange sing jenenge Subali mbrontak karo Guwakiskendha, banjur dheweke di
siksa lan dijepit ing silangan wit. Banjur Rama nulungi Sugriwa kanggo
ngalahake Subali. Kanthi biyantu saka Rama, Sugriwa wusanane bisa dadi raja
maneh ing Guwakiskendha.
Kanggo bales budhi, Sugriwa ngerahke wadyabalane kanggo mbiyantu Rama
ngrebut Sinta saka Rahwana. Anoman didhawuhi Rama supaya nggoleki Sinta lan menehake
ali-aline Rama. Nalika arep bali, Anoman dicekel wadya bala Ngalengka. Anoman
arep diobong nanging banjur mabur nggawa geni kanggo ngobong kraton
Ngalengka, kajaba taman Argasoka, panggonan Sinta didhelikake.
Wusanane, kedadean perang gedhe Pancawati mungsuh karo Ngalengka. Wadya balane Ngalengka wujud
buta-buta lan wadya balane Rama dibiyantu kethek-kethek balane Sugriwa.
Pancawati menang. Sawise perang Rama lan Sinta bali menyang Ayodya. Nanging
Sinta ora enggal ketampa dening Rama, amarga dianggep wis ora prawan maneh. Banjur
Rama ngongkon Sinta nglakokake sesucen kanggo ngilangi pandakwa ala tumrap
Sinta.
n.jpg)
0 komentar:
Posting Komentar