Dipuncariyosaken,
Dewi Anjani nembe dolanan Cupu Manik Asthagina paringanipun ingkang ibu,
Windardi. Dene sok sintena ingkang gadhah Cupu menika saged mirsani endahipun
sedaya alam donya. Nalika nembe dolanan cupu menika, adhinipun Anjani- Guwarsa
lan Guwarsa- weruh cupu menika, lan kepingin ngoyok cupu ingkang dipuncepeng
Anjani menika. Nanging Anjani boten purun maringaken cupu menika. Amargi saking
ibu sampun paring weling, cupu menika boten kenging dipunampilaken marang
sintena, kalebet adhinipun, Guwarsa lan Guwarsi.
Nalika nembe oyak-oyakan cupu
menika, Anjani bengok-bengok. Ngantos ingkang Bapa, Begawan Gotama, mireng
suwantenipun Anjani menika. Begawan Gotama, nangleti putrinipun, kenging napa
kok bengok-bengok. Dewi Anjani mangsuli, bilih piyambakipun dipunoyak-oyak
ingkang adhi. Lajeng Begawan Gotama tanglet marang Guwarsa lan Guwarsi kenging
menapa kok ngoyak-oyak ingkang mbakyu. Guwarsa la Guwarsi mangsuli, menapa
sebabipun ngoyak-oyak ingkang mbakyu. Inggih menika amargi kenging menapa
ingkang mbakyu mawon ingkang dipunparingi dolanan ingkang katon endah menika.
Sang Bapa boten emut menawi nate
paring barang marang Anjani. Kanthi sang Bapa, barang menika dipunsuwun. Nalika
mangertosi bilih barang menika Cupu Manik Asthagina, Resi Gotama duka. Amargi
namung bangsa dewa ingkang gadhah cupu menika. Anjani mangsuli bilih ingkang
Ibu ingkang sampun maringi cupu menika. Sasampunipun mangertosi bilih cupu
menika saking Windardi, garwanipun, Begawan Gotama duka lan Windardi
dipunsedakke dados tugu amargi mendel mawon kados tugu.
Lajeng cupu menika dipunbuwang
Begawan Gotama ngantos telaga Mandirda. Cupu menika dados rebutan antiwisipun
Guwarsa, Guwarsi, lan Anjani. Guwarsa lan Guwarsi ingkang dugi mriku rumiyin lajeng
mlebet wonten telaga menika. Lajeng Anjani ingkang sayah dugi mriku lajeng raup
wonten tlaga menika. Lajeng sasampunipun menika Guwarsa lan Guwarsi dados
kethek, Anjani ugu dados kethek sanajan namung rainipun. Menika anggambaraken
sipatipun manungsa ingkang serakah utawi remen oyok-oyokan kados kethek.
Anjani, Guwarsa, lan Guwarsi nyuwun
marang bapa supados dipunwangsulaken dados wujud aslinipun. Begawan Gotama
paring dhawuh supados Anjani tapa wonten bengawan Yamuna. Guwarsa ingkang aran
Subali lan Guwarsi ingkang aran Sugriwa dipundhawuhi supados tetapa wonten
Wanasunya Pringga.
Kacariyos Subali pikantuk nugraha
nulungi Dewi Tara ingkang nembe dipuncengkerem dening ratunipun guwa kiskendha
ingkang aran Maesasura lan Lembusura. Raden Subali ugi ngajak ingkang adhi
Sugriwa, sasampunipun wonten ngajeng guwa kiskendha Subali mlebet lan Sugriwa
nengga wonten jawi guwa. Siosipun Dewi Tara saged dipunslemetaken dening
Subali. Ananging Subali anggadhahi pamanggih bilih Lembusura lan Maesasura
kedah dipunpejahi. Sugriwa dipindhawuhi waspada wonten jawinipun guwa, mangke
yen toya ingkang medal saking guwa kecampur getih pethak ateges Subali ingkang
kalah lan Sugriwa supados nutup guwa kiskendha ngagem watu. Dene yen toya
ingkang medal saking guwa menika kecampur getih abrit, ateges Subali ingkang
menang.
Subali lajeng manjing wonten
madyaning guwa, Lembusura lan Maesasura saged dipunkalahke. Kanthi natapke
sirah ratu buta kekalih wau. Amargi sirah kekalihipun dipuntatapke andadosaken
polonipun pecah lan werninipun toya dados pethak, Sugriwa ingkang mirsani
pranyata menika lajeng nutup guwa ngagem watu. Subali ingkang sejatosipun
menang, lajeng duka marang Sugriwa ingkang sampun dados ratu lan nggarwa dewi
Tara. Subali lajeng tandhing kaliyan Prabu Sugriwa. Rawuh begawan Gotama,
ngendika bilih Sugriwa boten keliru. Subali namung saged getun.
n.jpg)
0 komentar:
Posting Komentar